ئاودانان؛ ڕاپۆرتێک لەسەر دەستبەسەرکردن و نادیاریی چارەنووسی ڕازییە هاشمی، پارێزەرێکی کورد

شەممە، ٢٩ی ۸ی ٢٠٢٦

ڕازییە (ڕۆیا) هاشمی، پارێزەرێکی کورد و خەڵکی شاری ئاودانان، سەر بە پارێزگای ئیلام، سێ ڕۆژ پێش ئێستا لەلایەن هێزە ئەمنییەتییەکانی کۆماری ئیسلامیی ئێرانەوە دەستبەسەر کراوە و بۆ شوێنێکی نادیار گواستراوەتەوە. تا ئێستا هیچ زانیارییەکی ورد لەسەر چارەنووسی ئەو لەبەردەستدا نییە.

بەپێی زانیارییە گەیشتووەکان بە ڕێکخراوەکانی مافی مرۆڤ، ڕۆژی پێنجشەممە، ٢٧ی۸ی ٢٠٢٦، ڕازییە هاشمی، پارێزەری خەڵکی ئاودانان، بەبێ نیشاندانی هیچ بەڵگەیەکی دادوەری لەلایەن هێزە ئەمنییەتییەکانەوە دەستبەسەر کرا و بۆ شوێنێکی نادیار گواسترایەوە.

شایەنی باسە، سەرەڕای تێپەڕبوونی سێ ڕۆژ بەسەر دەستبەسەرکرانی ڕازییە هاشمیدا، هەوڵ و بەدواداچوونی بنەماڵەکەی بۆ ئاگاداربوون لە چارەنووسی ناوبراو هێشتا بێ‌ئاکام ماوەتەوە.

هەتا کاتی بڵاوکردنەوەی ئەم ڕاپۆرتە، هیچ زانیارییەکی ورد لەسەر هۆکاری دەستبەسەرکردن، تۆمەتەکانی ئاراستەکراوە بەرامبەر بەو، شوێنی ڕاگرتن و چارەنووسی ڕازییە هاشمی لەبەردەستدا نییە.