دەستبەسەرکردنی بەهمەن مودیرزادە، ئەندامی شۆرای شاری کۆتۆڵ، لەلایەن هێزەکانی ئیتلاعاتی سپای پاسدارانەوە

شەممە، ٨ی ئاگۆستی ٢٠٢٦

بەهمەن مودیرزادە، هاووڵاتییەکی کوردی تەمەن ٣٩ ساڵ و ئەندامی شۆرای شاری کۆتۆڵ، لەلایەن هێزەکانی ئیتلاعاتی سپای پاسدارانەوە دەستبەسەر کرا و بۆ شوێنێکی نادیار گواسترایەوە.

بەپێی ڕاپۆرتی گەیشتوو بە ڕێکخراوەکانی مافی مرۆڤ، ڕۆژی سێشەممە، ٤ی ئاگۆستی ٢٠٢٦، بەهمەن مودیرزادە، هاووڵاتیی کورد و ئەندامی شۆرای شاری کۆتۆڵ، لەلایەن هێزەکانی ئیتلاعاتی سپای پاسدارانەوە، بەبێ پێشاندانی هیچ بەڵگەیەکی دادوەری، دەستبەسەر کراوە.

پاش تێپەڕبوونی پێنج ڕۆژ لە دەستبەسەرکردنی، هەوڵ و بەدواداچوونی بەردەوامی بنەماڵە و نزیکانی بەهمەن مودیرزادە بۆ ئاگاداربوون لە هۆکاری دەستبەسەرکردنەکە، تۆمەتە پاڵدراوەکان و شوێنی ڕاگرتنی، هێشتا بێئەنجام ماوەتەوە.