سنە؛ پوریا سەعیدی لە دەستبەسەرکراوانی شەڕی ٤٠ ڕۆژە سزای ٣ ساڵ بەندکرانی بەسەردا سەپا

سنه؛ سەپاندنی سزای سێ ساڵ بەندکرانی هەڵپەسێردراو و پێبژاردنی پارە بەسەر پوریا سەعیدیدا

پوریا سەعیدی، هاووڵاتییەکی کوردی تەمەن ٣٠ ساڵ و خەڵکی شاری سنە، لەلایەن دادگای شۆڕشی ئەم شارەوە بە تۆمەتی «پڕوپاگەندە دژی کۆماری ئیسلامی» بە سێ ساڵ بەندکرانی هەڵپەسێردراو و پێبژاردنی پارە سزادرا. ناوبراو لە ماوەی جەنگی ٤٠ ڕۆژەی نێوان ئێران، ئەمریکا و ئیسرائیلدا دەستبەسەر کرابوو.

بەپێی زانیارییەکانی گەیشتوو بە ڕێکخراوەکانی مافی مرۆڤ، لەم دواییانەدا دادگای شۆڕشی سنە بە تۆمەتی «پڕوپاگەندە دژی کۆماری ئیسلامی»، حوکمی سێ ساڵ بەندکرانی هەڵپەسێردراو و پێبژاردنی پارەی بەسەر پوریا سەعیدیدا سەپاندووە.

پوریا سەعیدی، تەمەن ٣٠ ساڵ و خەڵکی سنە، ڕۆژی ١٨ی ٣ی ٢٠٢٦، لە ئەنجامی هێرشی هێزە حکوومەتییەکان بۆ سەر ماڵی بنەماڵەکەیان دەستبەسەر کرا.

ناوبراو دوای سێ مانگ لە دەستبەسەری و لێپرسینەوە، لە مانگی ٦ی ٢٠٢٦دا، بە دانانی بارمتە و بە شێوەیەکی کاتی تا کۆتایی هاتنی قۆناغەکانی دادگایی، لە بەندیخانە ئازاد کرا.