بانه؛ دەستبەسەرکردنی ئازاد ڕەحمەتی، چالاکی مەدەنیی کورد لەلایەن هێزەکانی ئیدارەی ئیتڵاعاتەوە

بانه؛ دەستبەسەرکردنی ئازاد ڕەحمەتی، چالاکی مەدەنیی کورد لەلایەن هێزەکانی ئیدارەی ئیتلاعاتەوە

چوارشەممە، ٢٣ی۹ی ٢٠٢٦

ئازاد ڕەحمەتی، چالاکی مەدەنیی کورد و خەڵکی شاری بانه، لە ئەنجامی هەڵکوتنە سەر ماڵی بنەماڵەکەی لەلایەن هێزەکانی ئیدارەی ئیتلاعاتەوە دەستبەسەر کرا و بۆ شوێنێکی نادیار گواسترایەوە.

بەپێی ڕاپۆرتەکانی گەیشتوو بە ڕێکخراوەکانی مافی مرۆڤ، ڕۆژی چوارشەممە ٢٣ی ۹ی ٢٠٢٦، هێزەکانی ئیدارەی ئیتلاعات لە شاری بانه، بە هەڵکوتنە سەر ماڵی بنەماڵەیی ئازاد ڕەحمەتی، یەکێک لە چالاکانی مەدەنیی ئەم شارە، بەبێ پیشاندانی هیچ بەڵگەیەکی دادوەری، ناوبراویان دەستبەسەر کردووە.

تا کاتی بڵاوکردنەوەی ئەم هەواڵە، زانیارییەکی ورد لەسەر هۆکار و تۆمەتە پاڵدراوەکان، هەروەها شوێنی ڕاگرتن و دۆخی ئازاد ڕەحمەتی لەبەردەستدا نییە.

شایانی باسە، ئازاد ڕەحمەتی پێشتر نیز پێشینەی دەستبەسەرکردن و گوشاری ئەمنی هەبووە. ناوبراو ڕۆژی ١٢ی ۱٠ی٢٠١٩، لە کاتی بەشداری لە کۆبوونەوەی ناڕەزایەتیی خەڵکی بانه لە دژی هێرشی سەربازیی تورکیا بۆ سەر ڕۆژئاوا، لەلایەن هێزە ئەمنییەکانەوە دەستبەسەر کرابوو.