ئیلام؛ ئەمین ناسری، هونەرمەندی کورد دوای برینداربوونی بە تەقەی ڕاستەوخۆی هێزە حکوومەتییەکان دەستبەسەرکرا
دووشەممە ٢٤ی ۸ی ٢٠٢٦
هونەرمەند و گۆرانیبێژێکی کورد و خەڵکی شارۆچکەی ئاسمان‌ئاوای سەر بە شارستانی چەرداول لە پارێزگای ئیلام، بە ناوی ئەمین ناسری، بەهۆی تەقەی ڕاستەوخۆی هێزە حکوومەتییەکانەوە بریندار و دواتر دەستبەسەر کرا.
بەپێی ڕاپۆرتی گەیشتوو بە ڕێکخراوەکانی مافی مرۆڤ، ڕۆژی یەکشەممە، ٢٣ی ۸ی٢٠٢٦، ئەمین ناسری، هونەرمەند و گۆرانیبێژی کوردی تەمەن ٢٧ ساڵ و خەڵکی شارۆچکەی ئاسمان‌ئاوای سەر بە شارستانی چەرداول و دانیشتووی گەڕەکی «سوڵتانقوڵیی خواروو» لە پارێزگای ئیلام، دەستبەسەر کراوە.
بەپێی وتەی شایەتحاڵان، ژمارەیەکی زۆر لە ئۆتۆمبێلەکانی هێزە ئەمنییەکان، لە کاتێکدا کە ئەمین ناسری لە تەنیشت جادەکە بووە، ئەویان بە تەواوی گەمارۆ داوە. هێزە ئەمنییەکان لە بەشی قاچ و پشتییەوە ئەویان کردووەتە ئامانجی تەقەی ڕاستەوخۆی فیشەک و دواتر، لە کاتی برینداربوونی، دەستبەسەریان کردووە.
شایانی باسە کە ئەمین ناسری پێشتریش دەستبەسەر کرابوو و لە پەیوەندی بە ناڕەزایەتییەکانی بەفرانباری ساڵی ٢٠٢٥دا، بڕیاری دەستبەسەرکردنی بەسەردا سەپێندرابوو.
← لە ماوەی یەک ساڵدا؛ نزیکەی ٧٧ هەزار کارمەند لە کارەکانیان دوورخراونەتەوە
بابەتی داهاتووڕاپۆرتێک لەسەر دەستبەسەرکردنی سێ ئەندامی بنەماڵەیەک لەوانە منداڵێک لە دیواندەرە →
بۆچوونەکان
هێشتا هیچ بۆچوونێک نییە. یەکەم کەس بە!
بەناوبانگەکان
نوێترین بابەتەکان
