دەستبەسەرکردنی هاووڵاتیی کورد کیوومەرس حەسەن‌بەیگی و بێ‌خبەری لە چارەنووسی

ئیلام؛ دەستبەسەرکرانی کیوومەرس حەسەن‌بەیگی و ناڕوونیی چارەنووسی

یەکشەممە، ۲٦/۷/٢٠٢٦

پێنج ڕۆژ بەسەر دەستبەسەرکرانی کیوومەرس حەسەن‌بەیگی، هاووڵاتیی کورد و خەڵکی ئیلام، لەلایەن هێزە حکوومەتییەکانەوە تێپەڕیوە، بەڵام هێشتا هیچ زانیارییەکی ورد و باوەڕپێکراو لەسەر چارەنووسی، بارودۆخی تەندروستی و شوێنی ڕاگرتنی ئەو هاووڵاتییە بەردەست نییە.

بەپێی ڕاپۆرتی گەیشتوو بە ڕێکخراوەکانی مافی مرۆڤ، ڕۆژی چوارشەممە، ۷/۲۲/ ٢٠٢٦، هێزەکانی ئیدارەی ئیتلاعات بە شێوەیەکی توندوتیژ و بەبێ پیشاندانی هیچ بەڵگەیەکی دادوەری، کیوومەرس حەسەن‌بەیگییان دەستبەسەر کردووە.

دوای تێپەڕبوونی پێنج ڕۆژ بەسەر دەستبەسەرکردنی ئەم هاووڵاتییە، ناوبراو هێشتا لە مافی دەستڕاگەیشتن بە پارێزەر و پەیوەندی و چاوپێکەوتن لەگەڵ بنەماڵەکەی بێبەشە. هەوڵ و بەدواداچوونی بنەماڵەکەی بۆ زانینی شوێن و بارودۆخی ناوبراو تا ئێستا بێئەنجام ماوەتەوە و دەزگا ئەمنییەکانیش هیچ وەڵامێکی ڕوونیان سەبارەت بە چارەنووسی ئەو نەداوە.