مادێح کرمانی؛ کۆڵبەرێکی مەریوانی بە تەقەی هێزە نیزامییەکانی حکوومەت کوژرا و تەرمەکەی دوای دوو ڕۆژ ناڕوونیی چارەنووس، ڕادەستی بنەماڵەکەی کرایەوە.
پێنجشەممە، ٣١/۷/٢٠٢٦
مادێح کرمانی؛ تەرمی ئەو کۆڵبەرەی لە سنووری مەریوان بە تەقەی هێزە ئینتیزامییەکان کوژرا، دوای دوو ڕۆژ ناڕوونیی چارەنووس ڕادەستی بنەماڵەکەی کرایەوە.
ڕۆژی سێشەممە، ۲۸/۷/٢٠٢٦، مادێح کرمانی، کوڕی سەعید و کۆڵبەرێکی خەڵکی گوندی خێرئاوا سەر بە شاری مەریوان، لە کاتی کۆڵبەری لە ناوچە سنووریی مڕانێ بە هۆی تەقەی ڕاستەوخۆی فیشەکی جەنگیی هێزە ئینتیزامییەکانی کۆماری ئیسلامیی ئێرانەوە گیانی لەدەست دا.
بەپێی زانیاریی گەیشتوو، دوای ئەم ڕووداوە بنەماڵەی مادێح کرمانی بۆ ماوەی دوو ڕۆژ هیچ زانیارییەکیان لەسەر چارەنووسی تەرمەکەی نەبوو، تا ئەوەی ڕۆژی پێنجشەممە، ٣٠/۷/ ٢٠٢٦، لەلایەن دەسەڵاتدارانی ئێرانەوە پەیوەندییان پێوە کرا و تەرمەکەی لە نەخۆشخانەی مەریوان ڕادەستیان کرایەوە.
مادێح کرمانی خێزاندار بوو و باوکی دوو منداڵی تەمەنی ژێر ١٨ ساڵ بوو.
← سنە؛ بەردەوامیی دەستبەسەرکردنی مۆنا مەلەکی و نادیاریی چارەنووسی لە ژوورە تاکەکەسییەکانی بەندیخانەی ناوەندیی سنە.
بابەتی داهاتووڕاپۆرتێک لە دوایین دۆخی عەلی قشلاقی، بەندکراوی سیاسیی کورد لە بەندیخانەی ناوەندیی بجنۆرد →
بۆچوونەکان
هێشتا هیچ بۆچوونێک نییە. یەکەم کەس بە!
بەناوبانگەکان
نوێترین بابەتەکان
