نەغەدە؛ ئیبراهیم ڕەحمانپوور، چالاکی کرێکاری و سیاسیی کورد، بە زیندانی سزا درا.
دووشەممە، ٣١ی ۸ی ٢٠٢٦
ئیبراهیم ڕەحمانپوور، هاووڵاتیی کورد و خەڵکی شاری نەغەدە و چالاکی سیاسی و کرێکاری، لەلایەن دەزگای دادوەریی کۆماری ئیسلامیی ئێرانەوە بە ٣٨ مانگ و ١٥ ڕۆژ زیندانی تەعزیری سزا درا.
بەپێی ڕاپۆرتی گەیشتوو بە ڕێکخراوەکانی مافی مرۆڤ، ئیبراهیم ڕەحمانپوور لەلایەن یەکێک لە لقە دادوەرییەکانی کۆماری ئیسلامیی ئێرانەوە بە ٣٨ مانگ و ١٥ ڕۆژ زیندانی تەعزیری سزا دراوە.
ئەم حوکمە بەهۆی چالاکییە سیاسی و کرێکارییەکانی ئیبراهیم ڕەحمانپوور و بەشداریی ناوبراو لە ڕێوڕەسمەکانی ڕۆژی جیهانیی کرێکار لە ساڵانی ڕابردوودا لە شاری نەغەدە دەرچووە.
ڕەحمانپوور ناڕەزایی خۆی بەرامبەر بە حوکمەکە دەربڕیوە و دۆسیەکەی لە پرۆسەی پێداچوونەوە و بەدواداچوونی دادوەری‌دایە. تا ئێستا زانیارییەکی ورد لەبارەی ئەنجامی کۆتاییی ناڕەزاییەکە بەردەست نییە.
← مەریوان؛ هادی ڕوبووسە، چالاکی ژینگەپارێز، دەستبەسەر کرا و چارەنووسی هێشتا نادیارە
بابەتی داهاتووکرماشان؛ هانا ڕەکان تەمەن ١٦ ساڵ لەلایەن باوکییەوە کوژرا →
بۆچوونەکان
هێشتا هیچ بۆچوونێک نییە. یەکەم کەس بە!
بەناوبانگەکان
نوێترین بابەتەکان
