سامان قادری، یەکێک لە دەستبەسەرکراوانی ناڕەزایەتییە سەراسەرییەکانی مانگی ۱۲ ی ۲٠۲٥لەلایەن دەزگای دادوەریی کۆماری ئیسلامیی ئێرانەوە سزای ١٤ ساڵ بەندکرانی بەسەردا سەپێندرا
هەینی، ٤ی۹ی ٢٠٢٦
سامان قادری، هاووڵاتیی کوردی خەڵکی ئورمیە و لە دەستبەسەرکراوانی ناڕەزایەتییەکانی مانگی ۱۲ ی ۲٠۲٥ ، لەلایەن دەزگای دادوەریی کۆماری ئیسلامیی ئێرانەوە سزای ١٤ ساڵ بەندکرانی بەسەردا سەپێندرا.
بەپێی ئەو ڕاپۆرتەی گەیشتووەتە دەست ڕێکخراوەکانی مافی مرۆڤ، سامان قادری (تەمەن ٣٧ ساڵ) و بەندکراوی سیاسی لە بەندیخانەی تاران، لەلایەن لقی ٢٦ی دادگای شۆڕشی تاران بە سەرۆکایەتیی دادوەر "ئیمان ئەفشاری" سزای ١٤ ساڵ بەندکرانی بەسەردا سەپێندراوە.
ناوبراو بە تۆمەتی "کردەوە دژی ئاسایشی نەتەوەیی" سزای ١١ ساڵ بەندکران و بە تۆمەتی "سووکایەتیکردن بە پیرۆزییەکان" سزای ٣ ساڵ بەندکران، کە سەرجەم دەکاتە ١٤ ساڵ بەندکرانی بەسەردا سەپێندراوە.
ئەم سزایە ڕۆژی سێشەممە، ٢٥ی ۸ی٢٠٢٦ بەم بەندکراوە ڕاگەیەندراوە. سامان قادری دوای ڕاگەیاندنی سزاکە، ناڕەزایەتیی بەرامبەر بڕیارەکە دەربڕیوە و داوای پێداچوونەوەی کردووە.
ئەم هاووڵاتییە لە مانگی ۳ی٢٠٢٦دا لەلایەن هێزەکانی هەواڵگریی سوپاوە لە تاران دەستبەسەر کرا و دوای کۆتاییهاتنی قۆناغە سەرەتاییەکانی لێکۆڵینەوە، بۆ بەندیخانەی گەورەی تاران گواستراوەتەوە و تا ئێستاش لەو بەندیخانەیەدا ڕاگێڕدراوە.
← ژنکوژی؛ نیلووفەر موجاور خەڵکی پیرانشار، دوای ئەشکەنجە و لێدانێکی زۆر تووشی مەرگی مێشکی بووە
بابەتی داهاتووڕاپۆرتێک لەسەر دەستبەسەرکران و ناڕوونی چارەنووسی میلاد خۆرشیدی، مامۆستای قوتابخانە لە شاری مەریوان →
بۆچوونەکان
هێشتا هیچ بۆچوونێک نییە. یەکەم کەس بە!
بەناوبانگەکان
نوێترین بابەتەکان
