شنۆ؛ دەستبەسەرکردنی محسن مەولوودپوور ڕاهێنەر و یاریزانی تۆپی پێ لەلایەن هێزە حکوومەتییەکانەوە

شنۆ؛ دەستبەسەرکردن و ناڕوونیی چارەنووسی محسن مەولوودپوور، یاریزان و ڕاهێنەری تۆپی پێ

محسن مەولوودپوور، هاووڵاتیی کوردی خەڵکی شاری شنۆ و یاریزان و ڕاهێنەری قوتابخانەی تۆپی پێ، لەلایەن هێزەکانی ئیدارەی ئیتلاعاتەوە دەستبەسەر کراوە و چارەنووس و شوێنی ڕاگرتنی هێشتا نادیارە.

بەپێی ڕاپۆرتەکانی گەیشتوو بە ڕێکخراوەکانی مافی مرۆڤ، ڕۆژی شەممە ١٧ی ۱٠ی ٢٠٢٦، محسن مەولوودپوور، چالاکی وەرزشیی خەڵکی شنۆ، لەلایەن هێزەکانی ئیدارەی ئیتلاعاتەوە دەستبەسەر کراوە و بۆ شوێنێکی نادیار گواستراوەتەوە.

تا کاتی ئامادەکردنی ئەم ڕاپۆرتە، هیچ زانیارییەکی ورد و پشتڕاستکراوە دەربارەی هۆکارەکانی دەستبەسەرکردنی ناوبراو، تۆمەتە ئاراستەکراوەکان بەرامبەری و شوێنی ڕاگرتنی لەبەردەستدا نییە.

هەروەها، محسن مەولوودپوور لە مافی دەستڕاگەیشتن بە پارێزەر و پەیوەندی یان چاوپێکەوتن لەگەڵ ئەندامانی بنەماڵەکەی بێبەش کراوە.