تیکاب؛ دەستبەسەرکرانی عابید عەلیزادە لەلایەن هێزە حکوومەتییەکانەوە

تیکاب؛ دەستبەسەرکرانی چالاکی ڕاگەیاندن عابید عەلیزادە لەلایەن هێزە حکوومەتییەکانەوە

هەینی، ٢١ی ۸ی ٢٠٢٦

عابید عەلیزادە، هاووڵاتییەکی کورد و خەڵکی تیکاب و چالاکی ڕاگەیاندن، لەلایەن هێزە حکوومەتییەکانی کۆماری ئیسلامیی ئێرانەوە لەم شارەدا دەستبەسەر کرا و بۆ شوێنێکی نادیار گواسترایەوە.

بەپێی ڕاپۆرتی گەیشتوو بە ڕێکخراوەکانی مافی مرۆڤ، ئێوارەی ڕۆژی چوارشەممە، ١٩ی ۸ی٢٠٢٦، عابید عەلیزادە، خەڵکی تیکاب، لەلایەن هێزە حکوومەتییەکانەوە و بەبێ پێشکەشکردنی هیچ جۆرە بەڵگەیەکی دادوەری دەستبەسەر کرا.

ئەم هاووڵاتییە لە تۆڕە کۆمەڵایەتییەکاندا بە مەبەستی پشتیوانی لە ماف و بەرژەوەندییەکانی خەڵک، یادەوەریی گیانبەختکراوانی ناڕەزایەتییەکانی مانگی ۱ ، هەروەها بەرزکردنەوەی دەنگی فەرهەنگ و زمانی کوردی و باسکردنی بابەتە کۆمەڵایەتییەکان، چالاکیی دەکرد.

جێگای ئاماژەیە کە هەوڵ و بەدواداچوونی بنەماڵەی عابید عەلیزادە بۆ ئاگاداربوون لە شوێن و دۆخی ناوبراو تا ئێستا بێئاکام ماوەتەوە.

تا کاتی ئامادەکردنی ئەم ڕاپۆرتە، زانیارییەکی ورد و پشتڕاستکراو لەسەر هۆکار و هۆکارەکانی دەستبەسەرکردن، تۆمەتە پێکراوەکان، شوێنی ڕاگرتن و چارەنووسی ئەم هاووڵاتییە بەردەست نییە.