دوو هەرزەکاری کورد لە تیکاب دەستگیر کراون و بۆ تاران گوازراونەتەوە

بەپێی زانیارییە بەردەستەکانی ڕێکخراوەکانی مافی مرۆڤ، ئێوارەی ٥ی ئەیلوولی ٢٠٢٦، هێزە ئەمنییەکان هێرشیان کردووەتە سەر ماڵی خێزانەکانی ئەم دوو هەرزەکارە لە تیکاب و بەبێ پیشاندانی هیچ بڕیارێکی دادوەری دەستگیریان کردوون.

سەرچاوە ئاگادارەکان ئاماژە بەوە دەکەن کە سیامەک موفیدی و سرووش عینایەتی لە مانگەکانی ڕابردوودا لە کافێیەک لە تاران کاریان کردووە.

دوای دەستگیرکردنیان، هەردووکیان بۆ تاران گوازراونەتەوە و لە ژێر ڕێوشوێنی ئەمنیی تونددا لێپرسینەوەیان لێ دەکرێت.

تا ئێستا هیچ زانیارییەکی ڕوون لەبارەی هۆکاری دەستگیرکردن، تۆمەتەکانیان، ئەو دامەزراوە ئەمنییەی کە بەرپرسی دەستگیرکردنیانە یان شوێنی وردی بەندکردنیان بەردەست نییە.