عەبدوڵڵا پەشابادی لەلایەن هێزە حکوومەتییەکانەوە دەستبەسەر کرا

سێشەممە، ۲۸/۷/٢٠٢٦

هاووڵاتییەکی کورد بە ناوی عەبدوڵڵا پەشابادی لەلایەن هێزە حکوومەتییەکانی کۆماری ئیسلامیی ئێرانەوە لە شاری کرماشان دەستبەسەر کرا و بۆ شوێنێکی نادیار گواسترایەوە.

بەپێی ڕاپۆرتی گەیشتوو بە ڕێکخراوەکانی مافی مرۆڤ، کاتژمێر دووی بەرەبەیانی ڕۆژی یەکشەممە، ۷/۲٦/ ٢٠٢٦، عەبدوڵڵا پەشابادی، تەمەن ٥٦ ساڵ، خەڵکی گوندی پەشاوای سەر بە شاری کامێران و دانیشتووی کرماشان، دەستبەسەر کرا و بۆ شوێنێکی نادیار گواسترایەوە.

دەستبەسەرکردنی ئەم هاووڵاتییە لە ئەنجامی هێرشی هێزەکانی ئیدارەی ئیتلاعات بۆ سەر ماڵەکەی لە کرماشان و بەبێ پێشکەشکردنی هیچ جۆرە بڕیار یان بەڵگەیەکی دادوەری ڕووی داوە.

بەپێی وتەی سەرچاوە ئاگادارەکان، بەدواداچوونی بنەماڵەی عەبدوڵڵا پەشابادی بۆ ئاگاداربوون لە بارودۆخ و چارەنووسی ئەو، تا ئێستا بێئەنجام ماوەتەوە.

تا کاتی بڵاوکردنەوەی ئەم ڕاپۆرتە، هیچ زانیارییەکی ورد لەبارەی هۆکاری دەستبەسەرکردن، تۆمەتە پێوەکراوەکان، شوێنی ڕاگرتن و چارەنووسی ئەم هاووڵاتییە بەردەست نییە