ئاشخانە؛ ئەمیرمحەممەد هاجری، هاووڵاتیی کورد و یەکێک لە دەستبەسەرکراوانی ناڕەزایەتییەکانی مانگی ۱ ڕابردوو، بە سزای بەندکران سزا درا.
سێشەممە،۸/٤/ ٢٠٢٦
ئەمیرمحەممەد هاجری، هاووڵاتییەکی کورد و خەڵکی شاری ئاشخانە لە پارێزگای خۆراسانی باکوور، کە یەکێک بوو لە دەستبەسەرکراوانی ناڕەزایەتییەکانی بەفرانباری ساڵی ڕابردوو، لەلایەن دەزگای دادوەریی کۆماری ئیسلامیی ئێرانەوە بە سزای سێ ساڵ و شەش مانگ و ڕۆژێک بەندکران سزا درا.
بەپێی زانیاریی گەیشتوو بە ڕێکخراوەکانی مافی مرۆڤ، ڕۆژی یەکشەممە، ۱۹/۷/٢٠٢٦، ئەمیرمحەممەد هاجری، تەمەنی ٢٤ ساڵ و خەڵکی ئاشخانە، لەلایەن لقی دووەمی دادگای شۆڕشی بجنۆرد بە سەرۆکایەتیی دادوەر سادق ڕەفیعی، بە سزای سێ ساڵ و شەش مانگ و ڕۆژێک بەندکران سزا درا. هەروەها بەپێی ئاگادارییەکی فەرمی، دەبێ هەفتەی داهاتوو بۆ جێبەجێکردنی سزاکەی خۆی ڕادەست بێت.
ئەم هاووڵاتییە بە تۆمەتی «کۆبوونەوە و پیلانگێڕی دژ بە ئاسایشی نەتەوەیی» بە سێ ساڵ و شەش مانگ و ڕۆژێک بەندکران، و بە تۆمەتی «پڕوپاگەندە دژ بە نیزام» بە شەش مانگ و ڕۆژێک بەندکران سزا دراوە. بەڵام بەپێی یاسای کۆکردنەوەی سزاکان، تەنها قورسترین سزاکە، واتە سێ ساڵ و شەش مانگ و ڕۆژێک بەندکران، جێبەجێ دەکرێت.
ئەمیرمحەممەد هاجری ڕۆژی ١٩/۱۲/٢٠٢٥، دوای هەڵکوتانی هێزە حکوومەتییەکان بۆ سەر ماڵەکەی، بەبێ پێشکەشکردنی هیچ بڕیارێکی دادوەری دەستبەسەر کرابوو.
ناوبراو دوای چوار ڕۆژ لە شوێنێکی نادیاردا، بۆ بەندیخانەی بجنۆرد گوازرایەوە و ڕۆژی ١ی۱ی ٢٠٢٦، بە دانانی بارمتە و بە شێوەیەکی کاتی لە بەندیخانە ئازاد کرا.
شایانی باسە کە ئەمیرمحەممەد هاجری لە تەواوی قۆناغەکانی دادگاییکردندا لە مافی دەستڕاگەیشتن بە پارێزەر بێبەش بووە و هەرگیز لە بەڕێوەچوونی دانیشتنی دادگاکەش ئاگادار نەکراوەتەوە. هەروەها، لە ماوەی دەستبەسەرکردنیدا لە مافی پەیوەندی و چاوپێکەوتن لەگەڵ بنەماڵەکەشی بێبەش کرابوو.
← ئومێد بێهزاد، خوێندکاری کورد و پوریا سەفوەت، هاووڵاتیی تورک، لە بەندیخانەی ناوەندیی ئورمیە لەسێدارە دران
بابەتی داهاتووهەولێر؛ مستەفا قاسمی حەسەنوەند، چالاکی سیاسی و بەندکراوی سیاسیی پێشوو، لە پێش نووسینگەی ڕێکخراوی نەتەوە یەکگرتووەکان کۆتایی بە ژیانی خۆی هێنا. →
بۆچوونەکان
هێشتا هیچ بۆچوونێک نییە. یەکەم کەس بە!
بەناوبانگەکان
نوێترین بابەتەکان
