دەڕەشار؛ دەستبەسەرکردنی میلاد عەلایی‌نەسەب لەلایەن هێزە حکوومەتییەکانەوە

هەینی، ٢٨ی ۸ی ٢٠٢٦

هاووڵاتییەکی کوردی تەمەن ٣٠ ساڵ، خەڵکی دەڕەشار لە پارێزگای ئیلام، بە ناوی میلاد عەلایی‌نەسەب، لەلایەن هێزە حکوومەتییەکانەوە دەستبەسەر کرا و بۆ شوێنێکی نادیار گواسترایەوە.

بەپێی ڕاپۆرتی گەیشتوو بە ڕێکخراوەکانی مافی مرۆڤ، بەیانیی ڕۆژی پێنجشەممە، ٢٧ی ۸ی ٢٠٢٦، میلاد عەلایی‌نەسەب، هاووڵاتیی کوردی خەڵکی دەڕەشار، لە ئەنجامی هێرشی هێزە حکوومەتییەکان بۆ سەر ماڵی خێزانییەکەیان، دەستبەسەر کرا.

بەپێی وتەی سەرچاوە ئاگادارەکان، دەستبەسەرکردنی ئەم هاووڵاتییە بەبێ پیشاندانی هیچ بەڵگەیەکی دادوەری و بە بەکارهێنانی توندوتیژی ئەنجام دراوە.

تا کاتی بڵاوکردنەوەی ئەم هەواڵە، زانیارییەکی ورد لەبارەی ناوەندی دەستبەسەرکردن، هۆکاری دەستبەسەرکردن، تۆمەتەکانی ئاراستەکراو و شوێنی ڕاگرتنی ناوبراو لەبەردەست نییە.