مەهاباد؛ دەستبەسەرکردنی عەلی ڕەسوول‌نژاد لەلایەن هێزەکانی ئیتڵاعاتی سپا.

مەهاباد؛ دەستبەسەرکردنی عەلی ڕەسوول‌نژاد لەلایەن هێزەکانی ئیتڵاعاتی سپا

هەینی، ٢٨ی ۸ی ٢٠٢٦

لە ماوەی ڕۆژانی ڕابردوودا، هاووڵاتییەکی کوردی خەڵکی مەهاباد بە ناوی عەلی ڕەسوول‌نژاد، لەلایەن هێزەکانی ئیتڵاعاتی سپای پاسدارانەوە دەستبەسەر کراوە و بۆ شوێنێکی نادیار گواستراوەتەوە.

بەپێی زانیارییە گەیشتووەکان بە ڕێکخراوەکانی مافی مرۆڤ، ڕۆژی چوارشەممە، ٢٦ی ۸ی ٢٠٢٦، عەلی ڕەسوول‌نژاد، هاووڵاتییەکی ٣٢ ساڵە و خەڵکی مەهاباد، لە ئەنجامی هەڵکوتانی هێزەکانی ئیتڵاعاتی سپا بۆ سەر شوێنی کارەکەی دەستبەسەر کراوە.

بەپێی وتەی سەرچاوە ئاگادارەکان، ئەم هاووڵاتییە بەبێ پیشاندانی هیچ بەڵگەیەکی دادوەری و لە دووکانی تایبەتیی خۆیدا دەستبەسەر کراوە و دواتر بۆ شوێنێکی نادیار گواستراوەتەوە.

تا کاتی بڵاوکردنەوەی ئەم ڕاپۆرتە، لەسەر هۆکاری دەستبەسەرکردن، تۆمەتە پاڵێوراوەکان و شوێنی ڕاگرتنی ناوبراو هیچ زانیارییەکی باوەڕپێکراو لەبەردەستدا نییە. هەروەها، هەوڵەکانی بنەماڵەکەی بۆ بەدەستهێنانی زانیاری لەبارەی چارەنووسی ناوبراو، تاکوو ئێستا بێئەنجام ماوەتەوە.