دەستبەسەرکرانی سەعدوون غەزالی بە مەبەستی جێبەجێکردنی سزای بەندکران و گواستنەوەی بۆ بەندیخانەی مهاباد
دەستبەسەرکرانی سەعدوون غەزالی بە مەبەستی جێبەجێکردنی سزای بەندکرانی و گواستنەوەی بۆ بەندیخانەی مهاباد
شەممە، ٥ی۹ی۲٠۲٦
لە ڕۆژانی ڕابردوودا، سەعدوون غەزالی، هاووڵاتییەکی کوردی خەڵکی مەهاباد، دەستبەسەر کرا و بە مەبەستی تێپەڕاندنی سزای یەک ساڵ بەندکرانەکەی بۆ بەندیخانەی ناوەندیی ئەو شارە گواسترایەوە.
بەپێی ڕاپۆرتی ڕێکخراوەکانی مافی مرۆڤ، سەعدوون غەزالی دوای بانگهێشتکردنی بۆ لقی جێبەجێکردنی سزاکانی دادگای شۆڕشی مەهاباد و ئامادەبوونی لەوێ، دەستبەسەر کراوە و ڕەوانەی بەندیخانەی ناوەندیی مەهاباد کراوە.
شایانی باسە سەعدوون غەزالی لە ڕۆژی یەکشەممە، ۲۲ی ٦ ی ۲٠۲٥دا لەلایەن هێزەکانی ئیدارەی ئیتلاعاتەوە لە ماڵی خۆیاندا دەستبەسەر کرا و بۆ لێکۆڵینەوە گواسترایەوە بۆ دەستبەسەرگەی ئەو دامەزراوە ئەمنییەی لە ئورمیە. ناوبراو لە ۳ی۹ی ۲٠۲٥، دوای تێپەڕاندنی نزیکەی سێ مانگ دەستبەسەرکران، بە دانانی بارمتەی پێنج ملیار تمەنی بە شێوەی کاتی ئازاد کرابوو.
سەعدوون غەزالی بەم دواییانە لەلایەن لقی یەکەمی دادگای شۆڕشی مەهاباد بە سەرۆکایەتیی دادوەر سیامی، بە تۆمەتی "کۆبوونەوە و پیلانگێڕی دژی ئاسایشی وڵات" سزای یەک ساڵ بەندکرانی تەعزیری و یەک ساڵ بەندکرانی هەڵپەسێردراوی بەسەردا سەپێندرابوو.
← بۆکان؛ ڕاپۆرتێک لەسەر بەردەوامیی دەستبەسەرکران و ناڕوونیی چارەنووسی محەممەد موعین‌پوور
بابەتی داهاتوومهاباد؛ دەستبەسەرکرانی ئیلهام عەلیزادە لەلایەن هێزەکانی ئیدارەی ئیتلاعاتەوە →
بۆچوونەکان
هێشتا هیچ بۆچوونێک نییە. یەکەم کەس بە!
بەناوبانگەکان
نوێترین بابەتەکان
