تاران؛ دەستبەسەرکردنی ناهید خوداجوو هاووڵاتیی کورد و بەندکراوی سیاسیی پێشوو

دووشەممە، ١٢ی۱٠ی ٢٠٢٦

تاران؛ دەستبەسەرکردنی ناهید خوداجوو، چالاکی کرێکاریی کورد و بەندکراوی سیاسیی پێشوو

ناهید خوداجوو، هاووڵاتییەکی کوردی خەڵکی سنە و دانیشتووی تاران، چالاکی کرێکاری و ئەندامی یەکێتیی ئازادی کرێکارانی ئێران، لە کۆتایی حەفتەی ڕابردوودا لەلایەن هێزە حکوومەتییەکانەوە دەستبەسەر کراوە و چارەنووسی هێشتا نادیارە.

بەپێی ڕاپۆرتە گەیشتووەکان بە ڕێکخراوەکانی مافی مرۆڤ، ناهید خوداجوو، چالاکی کرێکاریی دانیشتووی تاران، ڕۆژی سێشەممە، ٦ی ۱٠ی ٢٠٢٦، لەلایەن هێزە حکوومەتییەکانەوە لە ماڵی تایبەتیی خۆیدا دەستبەسەر کراوە.

بەپێی سەرچاوە باوەڕپێکراوەکان، هێزە حکوومەتییەکان هاوکات لەگەڵ دەستبەسەرکردنی ناهید خوداجوو، ماڵەکەشیان پشکنین کردووە.

دوای تێپەڕبوونی شەش ڕۆژ بەسەر دەستبەسەرکردنەکەیدا، تا کاتی ئامادەکردنی ئەم ڕاپۆرتە، هیچ زانیارییەکی پشتڕاستکراوە لەبارەی هۆکاری دەستبەسەرکردنەکە، دامەزراوەی بەرپرسی دەستبەسەرکردن، تۆمەتە پاڵدراوەکان و شوێنی ڕاگرتنی لەبەردەستدا نییە.

ناهید خوداجوو پێشترش بەهۆی چالاکییە پیشەیی و کرێکارییەکانی و داکۆکیکردن لە مافەکانی کرێکاران، پێشینەی دەستبەسەرکردن و بانگهێشتکردنی لەلایەن دامەزراوە ئەمنییەتییەکانەوە هەبووە.